धाराशिव : वाळू वाहतुक करू देण्यासाठी तहसीलदार यांचा ड्रायव्हर ८ हजार रुपयाची लाच घेताना एसीबीच्या जाळ्यात

धाराशिव : वाळू वाहतुक करू देण्यासाठी तहसीलदार यांचा ड्रायव्हर ८ हजार रुपयाची लाच घेताना एसीबीच्या जाळ्यात

धाराशिव :  जिल्ह्यातील कळंब तहसीलदार यांचा ड्रायव्हर वाळू वाहतूक करू देण्यासाठी 8 हजार रुपयाची लाच घेताना एसीबीच्या जाळ्यात रंगेहात सापडला असून कळंब  पोलीस स्टेशन जिल्हा धाराशिव येथे गुन्हा नोंद करण्याची प्रक्रिया सुरू आहे.दरम्यान, या तहसीलदार यांच्या ड्रायव्हरच्या लाचखोरीमुळे खळबळ उडाली असून याचे पाळेमुळे पोलीस तपासत आहेत.

      याबाबत अधिक माहिती अशी की  तक्रारदार हे ट्रॅक्टरने वाळु वाहतुक करतात. यातील आरोपी लोकसेवक अनिल सुरवसे, हा तहसिलदार कळंब यांचे वाहनावर वाहन चालक  असुन त्याने तक्रारदार यांना वाळु वाहतुक करुन देण्यासाठी व वाळुचे ट्रॅक्टरवर कोणतीही कारवाई न करण्यासाठी दि. 19 डिसेंबर रोजी पंचांसमक्ष तक्रारदार यांच्याकडे महिन्याला हप्ता म्हणुन 15,000 रुपये लाचेची मागणी करून तडजोडीअंती 8000रु. लाच रक्कमेची मागणी केली व आज दि. 20 डिसेंबर 2023 रोजी 8000  रु लाच रक्कम तक्रारदार यांचेकडुन नमुद आलोसे याने पंचांसमक्ष स्विकारल्याने त्यास ताब्यात घेतले असुन पोलीस स्टेशन कळंब , ज़िल्हा धाराशिव येथे गुन्हा दाखल करण्याची प्रक्रिया चालु आहे. 

 यामध्ये पोलीस अधीक्षक संदीप आटोळे यांच्या मार्गदर्शनाखाली सापळा अधिकारी म्हणून पोलीस उपअधीक्षक सिद्धाराम म्हेत्रे, या सापळा पथकात पोलीस अमलदार दिनकर उगलमुगले, सचिन शेवाळे,  नागेश शेरकर, चालक दत्तात्रय करडे यांचा समावेश होता.

लोकसेवक अथवा त्यांच्या वतीने कोणी खाजगी व्यक्ती कायदेशीर काम करून देण्यासाठी लाचेची मागणी करत असेल तर खालील नंबरवर संपर्क साधावा

कार्यालय 02472 222879

टोल फ्री क्रमांक.1064