साई मंदिरात फुले हार अर्पण करण्यास सुरुवात साई भक्तांनी व्यक्त केले समाधान, फुल उत्पादक शेतकऱ्यांच्या आयुष्यातील समाधानाचा दिवस डॉ : सुजय विखे पाटील

साई मंदिरात फुले हार अर्पण करण्यास सुरुवात साई भक्तांनी व्यक्त केले समाधान, फुल उत्पादक शेतकऱ्यांच्या आयुष्यातील समाधानाचा दिवस डॉ : सुजय विखे पाटील

शिर्डी: येथील श्री साईबाबांच्या समाधी पर्यंत पुष्पहार फुले गेली पाहिजेत अशी देशभरातील साई भक्तांच्या मनात आस्था होती. साई भक्ताच्या मनातील श्रद्धा आणि त्यांच्या प्रार्थनेने पुष्पहार फुले अर्पण करण्यास पुन्हा साई समाधी मंदिरात अर्पण करण्यास सुरू झाले याचा मला मनस्वी आनंद आहे तालुक्यातील सर्वसामान्य फुल उत्पादक शेतकऱ्यांचा प्रपंच पूर्णपणे यावर अवलंबून होता आज त्यांच्यासाठी समाधानाचा दिवस आहे आणि साईबाबांच्या आशीर्वादाने पुष्पहार फुले कायम चालू राहावे अशी साई चरणी प्रार्थना केल्याची माहिती खासदार डॉ: सुजय विखे पाटील यांनी शिर्डी येथे केली.

श्री साईबाबा समाधी मंदिरात फुले ,पुष्पहार व प्रसाद देण्यास काल गुरुवार दिनांक 12 पासून सुरुवात झाली आहे . श्री साईबाबा संस्थानचे मुख्य कार्यकारी अधिकारी बाळासाहेब कोळेकर व माजी खासदार डॉ. सुजय विखे पाटील यांच्या हस्ते एक नंबर प्रवेशद्वार येथे श्री साई संस्थान एम्प्लॉईज क्रेडिट को-ऑपरेटिव्ह सोसायटीच्या फुले पुष्पहार व प्रसाद विक्री स्टॉलचे उद्घाटन करण्यात आले त्यानंतर त्यांनी साईबाबा समाधीस फुलहार अर्पण केले.

याप्रसंगी श्री साईबाबा संस्थानचे प्रमुख मुख्य कार्यकारी अधिकारी तथा अप्पर जिल्हाधिकारी बाळासाहेब कोळेकर प्रमुख मुख्य कार्यकारी अधिकारी संदीप कुमार भोसले, प्रशासकीय अधिकारी प्रज्ञा मांडोळे माजी नगराध्यक्ष कैलास बापू कोते माजी उपनगराध्यक्ष अभय शेळके कृषी उत्पन्न बाजार समितीचे सभापती ज्ञानेश्वर गोंदकर माजी उपनगराध्यक्ष सुजित गोंदकर साई संस्थान सोसायटीचे चेअरमन विठ्ठलराव पवार माजी नगरसेवक जगन्नाथ कोनकर मंगेश त्रिभुवन मंदिर विभाग प्रमुख विष्णू थोरात आदी सह शिर्डी ग्रामस्थानी शेतकरी मोठ्या संख्येने उपस्थित होते.

दरम्यान सन 2020 मध्ये कोरोना महामारीच्या काळात श्री साईबाबा समाधी मंदिर दर्शनासाठी बंद करण्यात होते तेव्हा मंदिरात फुले हार प्रसाद देण्यासही बंदी घालण्यात आली होती. कोरोना महामारीची तीव्रता कमी झाल्यावर 2021 मध्ये साईबाबा समाधी दर्शन सर्व समाजासाठी खुले झाली होती मात्र फुले हार प्रसाद विक्रीवरील बंदी कायम होती ; त्यानंतर शिर्डी व परिसरातील फुले उत्पादक शेतकरी व विक्रेत्याकडून मंदिरात फुल पुष्पहार नेण्यास बंदी उठवण्यात यावी असे मागणी वेळोवेळी होत होती शेतकऱ्यांच्या मागणीची दखल घेत तत्कालीन महसूल मंत्री तथा जिल्ह्याचे पालकमंत्री राधाकृष्ण विखे पाटील यांनी जिल्हाधिकारी यांच्या अध्यक्षतेखाली त्रि-स्तरीय  समिती स्थापन केली होती.

या समितीने कर्मचारी पतपेढीच्या माध्यमातून रास्त दरात फुले हार व प्रसाद विक्रीस व मंदिरात नेण्यास हरकत नसल्याचा अहवाल सादर केला होता. दरम्यानच्या काळात शिर्डी परिसरातील फुल उत्पादक शेतकऱ्यांच्या वतीने मुंबई उच्च न्यायालयात याचिका दाखल करण्यात आली. या याचिकेवर 14 नोव्हेंबर रोजी अंतिम निर्णय घेऊन मंदिरातील फुले हार प्रसाद देण्याची बंदी उठवण्यात आली होती उच्च न्यायालयाच्या निर्णयानुसार काल गुरुवारी दिनांक 12 डिसेंबर पासून साईबाबा समाधी मंदिरापर्यंत प्रत्यक्ष फुले हार प्रसाद देण्यास सुरुवात झाली आह़े. काल गुरुवार असल्याने अनेक गोष्टी योगायोगाने जुळून आल्या 12-12- 2024 हा असा दिवस आपोआपच घडून आला असून फुलांच्या शेतीवर प्रपंच अवलंबून असलेल्या शिर्डी व परिसरातील शेतकऱ्यांसाठी आजचा दिवस आनंदाचा आहे अशी प्रतिक्रिया डॉ. विजय सुजय विखे पाटील यांनी व्यक्त केली. या निर्णयामुळे तालुक्यातील शिर्डी व परिसरातील फुल उत्पादक शेतकऱ्यांना दिलासा मिळाला आहे.

शेतकऱ्यांमध्ये उत्साहाचे वातावरण

राहाता तालुका आणि परिसरातील शेतकऱ्यांनी अनेक वर्ष फुले विक्रीसाठी लढा दिला होता, आणि अखेर त्यांच्या मेहनतीला यश मिळाले आहे. फुल शेती हे या भागातील शेतकऱ्यांचे मुख्य साधन आहे., परंतु साई मंदिरात फुल आणि हरी विक्री बंदी घालण्यात आलेली बंदी त्यांच्या आर्थिक स्थितीसाठी मोठी आव्हान ठरली होती. आता या विक्री मंजुरीमुळे मिळाल्यामुळे शेतकऱ्यांमध्ये उत्साहाचे वातावरण आहे