ऑनलाइन गेमच्या नादात कर्जाचा डोंगर; ३२ वर्षीय युवकाची गळफास घेऊन आत्महत्या बार्शी तालुक्यातील घटना-
बार्शी प्रतिनिधी /रुपेश डोलारे: Barshi Crime : सोलापूर जिल्ह्यातल्या बार्शी तालुक्यातील कुसळंब गावातील एका तरुणाने ऑनलाइन गेमच्या नादामध्ये कर्जबाजारी झाल्यानंतर आयुष्य संपवले आहे. चक्री गेमच्या नादात कर्जाचा डोंगर झाल्याने समाधान तुकाराम ननवरे (वय 32) या तरुणाने शुक्रवारी मध्यरात्री गळफास घेऊन आत्महत्या(Suicide) केली. या घटनेने परिसरात हळहळ व्यक्त होत असून, ऑनलाइन गेमच्या जुगाराने आणखी एक बळी घेतलाय. या घटनेमुळे सरकारने गाठलेली ऑनलाईन गेम (online game Ban)वरची बंदी फक्त कागदावरच आहे का असा सवाल सुज्ञ नागरिकांत उपस्थित केला जात आहे.
या घटनेबाबत मिळालेल्या माहितीनुसार, समाधान ननवरे हे गेल्या सात वर्षांपासून बार्शीतील शिवाजीनगर भागात ‘डायमंड सलून’ या नावाने व्यवसाय करत होते. मात्र, काही वर्षांपूर्वी त्यांना मोबाईलवरील चक्री गेमचे व्यसन लागले. सुरुवातीला केवळ मनोरंजन म्हणून सुरू झालेला हा गेम नंतर जुगाराच्या व्यसनात रुपांतरीत झाला. तो रात्री उशिरापर्यंत मोबाईलवर गेम खेळत असे — कधी लाख रुपये जिंकायचा, तर दुसऱ्या दिवशी दोन लाख रुपयांचे नुकसान करत असे. या व्यसनामुळे समाधानने मित्र, नातेवाईक, पतसंस्था, बँका आणि खासगी सावकार यांच्याकडून मोठ्या प्रमाणात पैसे उसने घेतले. इतकेच नव्हे तर ऑनलाइन प्लॅटफॉर्मवरूनही कर्ज घेऊन त्याने गेममध्ये पैसे गुंतवले.(Money investment) घरच्यांनी वारंवार समजावून सांगूनही तो थांबला नाही.
दरम्यान, 24 ऑक्टोबरच्या रात्री समाधानची पत्नी व मुलगा दिवाळी निमित्त ढोकी येथ माहेरी गेली होती. यावेळी त्याने आई व बहिणींसोबत जेवण केले आणि गप्पा मारल्या आणि त्यानंतर साडेअकराच्या सुमारास दुसऱ्या खोलीत झोपायला गेला. पहाटे आई सीताबाई ननवरे उठल्या असता पाणी तापवण्यासाठी जाताना समाधानने स्लॅबवरील लोखंडी हुकाला गळफास घेतल्याचे त्यांच्या लक्षात आले. त्यांनी आरडाओरड केल्यावर घरच्यांनी धाव घेतली, मात्र तोपर्यंत त्याचा मृत्यू झाला होता.
समाधानच्या पश्चात आई-वडील, पत्नी, तीन वर्षांचा मुलगा आणि तीन बहिणी असा परिवार आहे. मागील सहा महिन्यांपूर्वी त्याच्या वडिलांची हृदयविकाराची शस्त्रक्रिया(Heart operation) पार पडली असून, उपचारांसाठी त्यांनी मोठं खर्च केला होता. समाधान यास घरचं कोणतंही शेतीजमीन नसल्याने आणि समाधानच घरातील मुख्य आधार असल्याने, त्याच्या मृत्यूनंतर संपूर्ण कुटुंब अक्षरशः रस्त्यावर आलं आहे. यात अधिक वेदनादायक बाब म्हणजे, समाधानची पत्नीही अत्यंत प्रतिकूल परिस्थितीतील आहे. तिचला आई-वडील (Mother&Father) आणि भाऊ देखील नाहीत. त्यामुळे तिच्या पाठीशी आता कोणीच उरलेले नाही. छोट्या मुलासह हे संपूर्ण कुटुंब सध्या पूर्णतः असहाय्य अवस्थेत आहे.
0 Comments