सांगवी मार्डी येथून ७० हजारांची म्हैस चोरी-तुळजापूर पोलीस ठाण्यात गुन्हा दाखल-Tuljapur Crime News
धाराशिव : तुळजापूर तालुक्यातील सांगवी मार्डी येथे शेत शिवारातून एका शेतकऱ्याची अंदाजे ७० हजार रुपये किंमतीची म्हैस अज्ञात व्यक्तीने चोरून नेल्याची घटना घडली आहे.
याबाबत फिर्यादी गोपाळ महादेव बागल (वय ४५ वर्षे, रा. सांगवी मार्डी, ता. तुळजापूर, जि. धाराशिव) यांनी दि. २३ फेब्रुवारी २०२६ रोजी प्रथम खबर दिली. त्यांच्या मालकीची एक म्हैस शेत शिवारातून अज्ञात व्यक्तीने चोरून नेल्याचे त्यांनी तक्रारीत नमूद केले आहे.
या प्रकरणी तुळजापूर पोलीस ठाणे येथे भारतीय न्याय संहिता कलम ३०३(२) अन्वये गुन्हा नोंद करण्यात आला असून, पुढील तपास पोलीस करत आहेत.
गेल्या काही दिवसांत परिसरात जनावरे चोरीच्या घटनांमध्ये वाढ होत असल्याने शेतकऱ्यांनी सतर्क राहण्याचे आवाहन पोलीस प्रशासनाकडून करण्यात आले आहे.
0 Comments