तुळजापूर खरेदी-विक्री संघाच्या चेअरमनपदी सौ. अनिता वाघे; काँग्रेसतर्फे सत्कार
तुळजापूर : तुळजापूर खरेदी-विक्री संघाच्या चेअरमनपदी सौ. अनिता श्रीकांत वाघे यांची निवड झाल्याबद्दल तुळजापूर शहर काँग्रेस कमिटीच्या वतीने त्यांचा सत्कार करण्यात आला. या निवडीमुळे स्थानिक सहकार क्षेत्रात महिलांना नेतृत्वाची संधी मिळाल्याचे मत उपस्थितांनी व्यक्त केले.
या सत्कार सोहळ्यात काँग्रेसचे जिल्हाध्यक्ष धीरज भैया पाटील यांच्या हस्ते सौ. अनिता वाघे यांचा पुष्पगुच्छ देऊन सन्मान करण्यात आला. यावेळी उपस्थितांनी त्यांना पुढील कार्यकाळासाठी शुभेच्छा देत खरेदी-विक्री संघाच्या माध्यमातून शेतकरी व सर्वसामान्य नागरिकांच्या हितासाठी काम करण्याची अपेक्षा व्यक्त केली.
सत्कार कार्यक्रमाला तुळजापूर शहरातील काँग्रेसचे अनेक पदाधिकारी व कार्यकर्ते उपस्थित होते. यामध्ये नगरसेवक अमोल कुतवळ, रणजीत इंगळे, आनंद जगताप, नरेश काका पेंदे, बाळासाहेब कदम, युसुफ मामा शेख, श्रीकांत रसाळ, सुदर्शन वाघमारे, किरण यादव, टिनू कदम, गोपाळजी सुरवसे यांच्यासह इतर कार्यकर्त्यांची उपस्थिती होती.
कार्यक्रमात उपस्थितांनी सौ. अनिता वाघे यांच्या नेतृत्वाखाली खरेदी-विक्री संघाची प्रगती होईल तसेच शेतकरी व व्यापाऱ्यांच्या प्रश्नांना न्याय मिळेल, असा विश्वास व्यक्त केला. कार्यक्रमात शेवटी उपस्थितांचे आभार मानून समारोप करण्यात आला.
0 Comments