नाचताना पाय लागल्याच्या कारणावरून तरुणावर हल्ला; चार जणांविरुद्ध गुन्हा दाखल-Dharashiv Crime News Update
धाराशिव प्रतिनिधी : नाचताना पाय लागल्याच्या किरकोळ कारणावरून एका तरुणावर लाथाबुक्यांनी व लोखंडी कत्तीने मारहाण केल्याची घटना कळंब तालुक्यात घडली आहे. या प्रकरणी चार जणांविरुद्ध कळंब पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, दि. ८ मार्च २०२६ रोजी दुपारी १२ ते १२.३० वाजण्याच्या सुमारास खेर्डा व उमरा पाटी परिसरात ही घटना घडली. फिर्यादी स्वप्नील बालाजी लुगडे (वय २२, रा. खामकरवाडी ता. वाशी जि. धाराशिव) हे नाचत असताना चुकून पाय लागल्याच्या कारणावरून आरोपींनी वाद घातला.
यावेळी आरोपी रोहीत सदाशिव वाघमारे, विजय विष्णु सावंत, अजय नरसिंग वाघमारे आणि वैभव महादेव वाघमारे (सर्व रा. खामकरवाडी ता. वाशी जि. धाराशिव) यांनी फिर्यादीला शिवीगाळ करत लाथाबुक्यांनी तसेच लोखंडी कत्तीने मारहाण केली. या मारहाणीत स्वप्नील लुगडे हे गंभीर जखमी झाले.
दरम्यान, फिर्यादीचे चुलत भाऊ रजिंत व योगेश हे भांडण सोडवण्यासाठी आले असता आरोपींनी त्यांनाही शिवीगाळ करत जिवे ठार मारण्याची धमकी दिली, असे फिर्यादीत नमूद करण्यात आले आहे.
या प्रकरणी फिर्यादी स्वप्नील लुगडे यांनी दि. १० मार्च २०२६ रोजी दिलेल्या तक्रारीवरून कळंब पोलीस ठाण्यात भारतीय दंड संहिता कलम 118(2), 126(2), 352, 351(3), 115(2), 3(5) अन्वये गुन्हा नोंदवण्यात आला आहे.या घटनेचा पोलिसांकडून पुढील तपास सुरू आहे.
0 Comments