संतापजनक घटना: अंघोळीचे छायाचित्रण व्हायरल करण्याची धमकी देत महिलेवर लैंगिक अत्याचार; जातीवाचक शिवीगाळ प्रकरणी गुन्हा दाखल-धाराशिव जिल्हातील घटना -Dharashiv Crime News Live Update

संतापजनक घटना: अंघोळीचे छायाचित्रण व्हायरल करण्याची धमकी देत महिलेवर लैंगिक अत्याचार; जातीवाचक शिवीगाळ प्रकरणी गुन्हा दाखल-धाराशिव जिल्हातील घटना -Dharashiv Crime News Live Update 

धाराशिव, दि. २७ :
ढोकी पोलीस ठाण्याच्या हद्दीतील एका गावातील २८ वर्षीय महिलेवर अंघोळ करतानाचे छायाचित्रण व्हायरल करण्याची धमकी देत लैंगिक अत्याचार केल्याप्रकरणी एका तरुणाविरुद्ध गंभीर स्वरूपाचा गुन्हा नोंद करण्यात आला आहे. या प्रकरणात अनुसूचित जाती-जमाती अत्याचार प्रतिबंधक कायद्याअंतर्गतही कारवाई करण्यात आली आहे.

या घटनेबाबत पोलीसांकडून मिळालेल्या माहितीनुसार, संबंधित घटना दि. ०६ मार्च २०२६ रोजी रात्री साडेनऊ ते दहा वाजण्याच्या सुमारास घडल्याचे फिर्यादीत नमूद करण्यात आले आहे. पीडित महिलेच्या म्हणण्यानुसार, एका गावातील तरुणाने तिचे अंघोळ करतानाचे छायाचित्रण केल्याचे सांगून ते व्हायरल करण्याची धमकी दिली. या भीतीचा फायदा घेत संबंधिताने तिला शेतातील उसाच्या शेतात नेऊन तिच्यावर लैंगिक अत्याचार केल्याचा आरोप करण्यात आला आहे.

तसेच, घटनेनंतर पीडित महिलेने संबंधित तरुणाला संपर्क करू नको, अन्यथा पोलीसांत तक्रार करीन असे सांगितले असता आरोपीने जातीवाचक शिवीगाळ करून जिवे ठार मारण्याची धमकी दिल्याचेही फिर्यादीत नमूद करण्यात आले आहे.

या प्रकरणी पीडित महिलेने दि. २६ जून २०२६ रोजी दिलेल्या प्रथम खबरेवरून ढोकी पोलीस ठाण्यात भारतीय न्याय संहिता (BNS) कलम ६४, ३५१(२)(३) तसेच अनुसूचित जाती-जमाती (अत्याचार प्रतिबंध) अधिनियम कलम ३(१)(आर), ३(१)(एस), ३(२)(व्हि) अन्वये गुन्हा नोंद करण्यात आला आहे.

घटनेचा पुढील तपास पोलीसांकडून सुरू असून संबंधित आरोपीचा शोध व पुढील कायदेशीर प्रक्रिया सुरू असल्याची माहिती मिळाली आहे.