तुळजापूर तालूक्यातील मैलारपूर(नळदुर्ग) येथील श्री खंडोबाची ६ जानेवारी रोजी याञा, यात्रेनिमित्त जय्यत तयारी सुरू

तुळजापुर : तुळजापूर तालूक्यातील श्री क्षेत्र  मैलापुर (नळदुर्ग) येथील खंडोबाची याञा येत्या ६ जानेवारीला भरत आहे,महाराष्ट्रासह कर्नाटक, आंध्र प्रदेश, तेलंगणातील भाविकांचे श्रद्धास्थान असलेल्या मैलारपूर (नळदुर्ग ) येथील श्री खंडोबाच्या वार्षिक यात्रा महोत्सवास गुरुवारपासून (दि. ५) प्रारंभ होत आहे. यात विविध धार्मिक व सांस्कृतिक कार्यक्रमांचे आयोजन करण्यात आले आहे. यात्रेची पूर्वतयारी सुरू आहे.

या यात्रेला किमान सात लाख भाविक हजेरी लावतील असा अंदाज व्यक्त केला जात आहे.महाराष्ट्रात श्री खंडोबाची एकूण आठ प्रमुख तीर्थक्षेत्र आहेत. त्यातील मैलारपूर हे दुसरे प्रमुख तीर्थक्षेत्र आहे. श्री खंडोबाची अणदूर आणि नळदुर्ग मध्ये दोन वेगवेगळी मंदिरे आहेत. मूर्ती मात्र एकच. अणदूरमध्ये सव्वा दहा तर नळदुर्ग येथेे पावणेदोन महिने श्री खंडोबाची मूर्ती ठेवण्याची परंपरा आहे. नळ राजाची पत्नी दमयंती हिच्या भक्तीमुळे श्री खंडोबा नळदुर्गात प्रकट झाले तसेच दमयंती राणीच्या भक्तीमुळे श्री खंडोबाने बाणाईस चंदनपुराहुन आणून नळदुर्गात विवाह केला. व नंतर जेजुरी कडे प्रस्थान केले अशी अख्यायीका आहे. अणदूरमध्ये सव्वा दहा महिने तर मैलारपूर (नळदुर्ग) मध्ये पावणे दोन महिने श्री खंडोबाची मूर्ती ठेवण्याची परंपरा हजारो वर्षापासून कायम सुरू आहे,अणदुरहुन नळदुर्गला आणि नळदुर्गहुन अणदूरला मूर्ती प्रस्थान करताना दोन्ही गावातील मानकऱ्यात करार केला जातो. देवाचा करार करण्याची प्रथा महाराष्ट्रात फक्त येथे चालते हे येथील विशेष आहे.श्री खंडोबाची मूर्ती अणदुर येथुन नळदृग (मैलारपूर )येथे प्रस्थान झाल्यावर  येथील यात्रा उत्सव सुरू होतो. दर रविवारी भावीक भक्त देवाच्या  दर्शनासाठी मोठी गर्दी करतात त्यास खेटे असे म्हटले जाते. पौष पौर्णिमा  महायात्रा संपल्यानंतर अष्टमीला मूर्ती अणदुरकडे प्रस्थान केली ताते.६ जानेवारी यात्रेचा मुख्य दिवसमैलारपूर( नळदुर्ग ) येथील महायात्रा पौष पौर्णिमेला भरते, येथील यात्रेला पाच जानेवारीपासून प्रारंभ होत असून ६  जानेवारी हा यात्रेचा मुख्य दिवस आहे. शुक्रवारी दि (६) पहाटे  चार वाजता काकडा आरती झाल्यानंतर श्री खंडोबाच्या मूर्तीवर अभ्यंग स्नान घालण्यात येणार आहे. त्यानंतर महावस्त्र, अलंकार पूजा करून महानैवद्य दाखविण्यात येणार आहे. यात्रेच्या दिवशी दिवसभर भंडारा व खोबरे उधळणे पंचक्रोशीतील विविध गावातून आलेल्या नंदी ध्वजाची मिरवणूक लहान मुलाचे जावळ करणे तळी भंडारा उचलणे ,आदी धार्मिक कार्यक्रम पार पडणार आहेत ,रात्री १२ वाजता अणदुर आणि नळदुर्गच्या मानाच्या काठ्याचे व अणदुरून आलेल्या घोड्यांचे आगमन होणार आहे. याचवेळी  रंगीबेरंगी शोभेच्या दारूची आतिषबाजी  करण्यात येणार आहे, मध्यरात्री  २ वाजता मंदिरात अणदुर व नळदुर्गच्या मानकऱ्यांचा सत्कार करण्यात आल्यानंतर पहाटे तीन वाजता  श्रीं ची छबिना मिरवणूक निघणार आहेत. शनिवारी दि,७ रोजी जंगी कुस्ती स्पर्धा होऊन यात्रेची सांगता होणार आहे.यात्रेनिमित्त जय्यत तयारी सूरूयात्रेनिमित्त श्री खंडोबा मंदिरावर विद्युत रोषणाई करण्यात आली असून भाविकांना रांगेत दर्शन घेता यावे यासाठी दर्शन बारी तयार करण्यात आली आहे, तसेच पिण्याच्या पाण्याची व्यवस्था, वाहनतळ, स्नान करण्यासाठी कॅनलला पाणी आदी सुविधा उपलब्ध करून देण्यात आले आहेत. तसेच यात्रा शांततेत व सुरळीत पार पाडण्यासाठी कडेकोट बंदोबस्त ठेवण्यात येणार आहे.