तुळजापूरमध्ये डॉ. बाबासाहेब आंबेडकर जयंती उत्साहात साजरी; महाविकास आघाडीचा विविध कार्यक्रमांनी अभिवादन-Dr Babasaheb Ambedkar Jayanti
तुळजापूर : भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त तुळजापूर येथे महाविकास आघाडीच्या वतीने विविध कार्यक्रमांचे आयोजन करून महामानवाला अभिवादन करण्यात आले. या निमित्ताने शहरात उत्साहपूर्ण वातावरण निर्माण झाले होते.
कार्यक्रमाची सुरुवात बाबासाहेबांच्या प्रतिमेला पुष्पहार अर्पण करून करण्यात आली. यावेळी उपस्थित कार्यकर्त्यांनी घोषणाबाजी करत अभिवादन केले. माननीय नाना शितोळे यांनी गीत गायनाचा कार्यक्रम सादर करून उपस्थितांना मंत्रमुग्ध केले.
यानंतर भाई उत्तम अमृतराव, नगरसेवक अमोल कुतवळ, ऋषी मगर, सुधीर कदम यांनी डॉ. बाबासाहेब आंबेडकर यांच्या जीवनकार्यावर प्रकाश टाकत त्यांच्या विचारांची महत्ता सांगितली. त्यांनी सामाजिक न्याय, समानता आणि शिक्षणाच्या महत्त्वावर भर दिला.
पुढे छत्रपती शिवाजी महाराज यांच्या प्रतिमेला पुष्पहार अर्पण करून जयघोष करण्यात आला. या कार्यक्रमातून इतिहासातील महान व्यक्तिमत्त्वांना अभिवादन करण्यात आले.
कार्यक्रमाच्या शेवटी बाबासाहेब आंबेडकर चौकात अन्नदानाचा उपक्रम राबविण्यात आला. या उपक्रमाला नागरिकांचा उत्स्फूर्त प्रतिसाद लाभला.
यावेळी अमर भैय्या मगर, श्याम पवार, भाऊ भाजी, नगरसेवक रणजित इंगळे, आनंद जगताप, अक्षय परमेश्वर, अनिता वाघे, बाबासाहेब कदम, पिंटू पांडागाळे, राहुल खपले, गोरख पवार, सुनील शिंदे, छोटू पाटील, युसूफ शेख, प्रमोद कांबळे, श्रीकांत रसाळ, महादू कदम, अर्जुन भोजने, अजिंक्य दांडे, सुदर्शन वाघमारे, बालाजी तट, नरेश पेंदे, विराज जगदाळे तसेच महाविकास आघाडीचे असंख्य कार्यकर्ते मोठ्या संख्येने उपस्थित होते.
या सर्व कार्यक्रमांद्वारे डॉ. बाबासाहेब आंबेडकर यांच्या विचारांचा जागर प्रसार करत त्यांच्या कार्याला अभिवादन करण्यात आले.
0 Comments