माहेरहून पैसे आणण्यासाठी विवाहितेचा छळ; त्रासाला कंटाळून महिलेची आत्महत्या-पाच जणांविरुद्ध गुन्हा दाखल- उमरगा तालुक्यातील घटना -umerga Police Station Crime News
धाराशिव : उमरगा पोलीस ठाणे हद्दीत विवाहितेचा शारीरिक व मानसिक छळ केल्याप्रकरणी पाच जणांविरोधात आत्महत्येस प्रवृत्त केल्याचा गुन्हा दाखल करण्यात आला आहे. या घटनेमुळे परिसरात हळहळ व्यक्त होत आहे.
मयत महिलेचे नाव सोनी रणजित गोजले (वय 27, रा. कुन्हाळी ता. उमरगा जि. धाराशिव) असे आहे. पोलिसांनी दिलेल्या माहितीनुसार, दि. 17 मे 2026 रोजी सकाळी सहाच्या सुमारास सोनी यांनी राहत्या घरात स्लॅबच्या हुकाला दोरीच्या सहाय्याने गळफास घेऊन आत्महत्या केली.
याप्रकरणी आरोपी म्हणून फुलाबाई राजाराम गोजले, रणजित राजाराम गोजले, बालाजी राजाराम गोजले, संजय राजाराम गोजले व शुभद्रा संजय भेगिले (सर्व रा. कुन्हाळी ता. उमरगा जि. धाराशिव) यांच्याविरोधात गुन्हा दाखल करण्यात आला आहे.
फिर्यादी मारुती नागाप्पा इश्वरे (वय 58, रा. वाडी कासार शिरसी ता. निलंगा जि. लातूर) यांनी दिलेल्या तक्रारीनुसार, आरोपींकडून सोनी यांना माहेरहून पैसे आणण्याच्या कारणावरून वारंवार शारीरिक व मानसिक त्रास दिला जात होता. सततच्या छळाला कंटाळून सोनी यांनी आत्महत्या केल्याचा आरोप फिर्यादीत करण्यात आला आहे.
या प्रकरणी उमरगा पोलीस ठाणे येथे भारतीय न्याय संहिता कलम 85, 108, 3(5) अन्वये गुन्हा नोंद करण्यात आला असून पुढील तपास पोलीस करीत आहेत.
0 Comments