धाराशिवमध्ये लग्नाचे आमिष दाखवून 31 वर्षीय महिलेवर लैंगिक अत्याचार; गुन्हा दाखल-Dharashiv Crime News Update

धाराशिव: शहर पोलीस ठाणे हद्दीत लग्नाचे खोटे आमिष दाखवून 31 वर्षीय महिलेवर लैंगिक अत्याचार केल्याची धक्कादायक घटना उघडकीस आली आहे. पीडित महिलेने (नाव व गाव गोपनीय) दि. 26 फेब्रुवारी 2026 रोजी दिलेल्या प्रथम खबरेवरून पोलिसांनी गुन्हा नोंदवला आहे.

पोलिसांकडून मिळालेल्या माहितीनुसार, दि. 09 ऑगस्ट 2025 ते 20 फेब्रुवारी 2026 या कालावधीत एका गावातील तरुणाने संबंधित महिलेला लग्नाचे आश्वासन देत तिच्याशी शारीरिक संबंध प्रस्थापित केले. मात्र नंतर लग्नास नकार देत फसवणूक केल्याचे तक्रारीत नमूद करण्यात आले आहे.

पीडितेच्या फिर्यादीवरून आरोपीविरुद्ध भारतीय न्याय संहिता (भा.न्या.सं.) कलम 64(1) व 69 अन्वये गुन्हा दाखल करण्यात आला आहे. पोलिसांकडून पुढील तपास सुरू असून आरोपीचा शोध घेतला जात आहे.

दरम्यान, या घटनेमुळे परिसरात खळबळ उडाली असून महिलांच्या सुरक्षिततेचा प्रश्न पुन्हा ऐरणीवर आला आहे. पोलिसांनी नागरिकांना आवाहन केले आहे की, अशा प्रकारच्या घटनांबाबत त्वरित पोलिसांशी संपर्क साधावा.